വേണ്ട സാധനങ്ങള് :
- വേവിച്ചു ഉടച്ചെടുത്ത ഉരുളക്കിഴങ്ങ് - രണ്ടെണ്ണം
- ചെറുതായി നുറുക്കിയ സവാള - ഒരെണ്ണം
- ചെറുതായി നുറുക്കിയ പച്ചമുളക് - ഒന്നോ രണ്ടോ (എരിവു അനുസരിച്ച് )
- ചെറുതായി നുറുക്കിയ മല്ലിയില - രണ്ടോ മൂന്നോ തണ്ട്
- മുളകുപൊടി - 1/4 ടീസ്പൂണ്
- മഞ്ഞള്പ്പൊടി - 1/4 ടീസ്പൂണ്
- ഗരംമസാലപ്പൊടി - 1/4 ടീസ്പൂണ്
- കടലമാവ് - ഒരു കപ്പ്
- ഉപ്പ് - ആവശ്യത്തിന്
- എണ്ണ - വറുക്കാന് ആവശ്യത്തിന്
വേവിച്ചു ഉടച്ച ഉരുളക്കിഴങ്ങിലേക്ക് സവാള, പച്ചമുളക്,മല്ലിയില,അല്പം മുളകുപൊടി,ഗരംമസാലപ്പൊടി,ഉപ്പ് എന്നിവ ചേര്ത്തു നന്നായി യോജിപ്പിക്കുക.
മറ്റൊരു പാത്രത്തില് കടലമാവ് , ഉപ്പ്, മഞ്ഞള്പ്പൊടി,അല്പം മുളകുപൊടി എന്നിവയെടുത്തു കുറച്ചു വെള്ളവും ചേര്ത്തു, കുഴമ്പു പരുവത്തില് മിശ്രിതം(ബാറ്റര് ) ഉണ്ടാക്കുക.
ഉരുളക്കിഴങ്ങ് മിശ്രിതത്തില് നിന്നും ചെറിയ ഉരുളകള് ഉണ്ടാക്കിയെടുത്ത്, ബാറ്ററില് മുക്കി ചൂടായ എണ്ണയില് ഇട്ടു ഗോള്ഡന് ബ്രൌണ് നിറത്തില് വറുത്തു കോരിയെടുക്കുക.
ചൂടോടെ ചട്നി കൂട്ടിയോ അല്ലാതെയോ വിളമ്പാവുന്നതാണ്. 2 .ബ്രെഡ് റോള്സ്
വേണ്ട സാധനങ്ങള് :
- വേവിച്ചു ഉടച്ചെടുത്ത ഉരുളക്കിഴങ്ങ് ,കാരറ്റ് - ഒരു കപ്പ്
- വേവിച്ച പട്ടാണി പയര് (ഗ്രീന്പീസ്) - കാല് കപ്പ്
- ചെറുതായി നുറുക്കിയ സവാള - ഒരെണ്ണം
- ചെറുതായി നുറുക്കിയ പച്ചമുളക് - രണ്ടെണ്ണം
- ചെറുതായി നുറുക്കിയ മല്ലിയില - രണ്ടോ മൂന്നോ തണ്ട്
- മുളകുപൊടി - കാല് ടീസ്പൂണ്
- ഗരംമസാലപ്പൊടി - കാല് ടീസ്പൂണ്
- ഉപ്പ് - പാകത്തിന്
- ബ്രെഡ് കഷണങ്ങള് - 8 - 10 എണ്ണം
- എണ്ണ - വറുക്കാന് ആവശ്യത്തിന്
ബ്രെഡ് ഒഴിച്ചുള്ള ചേരുവകള് എല്ലാം ഒന്നിച്ചാക്കി യോജിപ്പിക്കുക.
ഒരു പാത്രത്തില് അല്പം വെള്ളമെടുത്തു , ഓരോ ബ്രെഡ് കഷണങ്ങളും അതില് മുക്കി നന്നായി പിഴിഞ്ഞെടുക്കുക. ബ്രെഡ് കുതിര്ന്ന് കിട്ടാന് വേണ്ടിയാണു അങ്ങിനെ ചെയ്യുന്നത്.
ഓരോ സ്പൂണ് ഉരുളക്കിഴങ്ങ് മിശ്രിതം എടുത്തു ഓരോ ബ്രെഡ് കഷണത്തിലും വെച്ച് റോള് ചെയ്തു എടുത്തു അരികുകള് വിരലുകള് കൊണ്ടമര്ത്തി ഒട്ടിക്കുക.
നല്ലവണ്ണം ചൂടായ എണ്ണയില് റോളുകള് ഇട്ടു തീ അല്പം കുറച്ചു വച്ചു വറുത്തെടുക്കുക.
ചൂടോടെ ചട്നി, സോസ് എന്നിവ കൂട്ടി കഴിക്കാവുന്നതാണ്.
കുറിപ്പ്: ഉരുളക്കിഴങ്ങ് മിശ്രിതത്തിനു പകരം,ചിക്കന്,ബീഫ്,ചെമ്മീന് തുടങ്ങി അധികം വന്ന മെഴുക്കുപുരട്ടിയും തോരനും വരെ ഇതില് ഫില്ലിങ്ങായി ഉപയോഗിക്കാവുന്നതാണ്.
